काठमाडौं । नेपाल लाइफ इन्स्योरेन्स लिमिटेडले प्रुडेन्सियल क्यापिटल म्यानेजमेन्ट प्रालिको नाममा रहेको ५ लाख २३ हजार ११२ कित्ता शेयर बिक्रीमा राखेको छ । यो शेयर कम्पनीका संस्थापक शेयरधनीले मात्रै खरिद गर्न पाउनेछन् । शेयर खरिद गर्न इच्छुक लगानीकर्ताले कम्पनीको केन्द्रीय कार्यालय कमलादी, काठमाडौंमा ३५ दिनभत्र निवेदन पेश गर्नुपर्नेछ । ३५ दिनभित्र खरिद निवेदन पेश हुन नआएमा उक्त शेयर अन्य व्यक्ति वा संस्थालाई बिक्री गरिने कम्पनीले जनाएको छ ।