काठमाडौं । बलात्कार आरोपमा सुनसरी जिल्ला प्रहरी कार्यालयले ‘सिद्धबाबा कृष्णदाश महाराज’ भनेर चिनिएका कृष्ण बहादुर गिरीलाईलाई पक्राउ गरेको छ । प्रहरीले सोमबार बिहान ५ बजे गिरीलाई विराटनगरस्थित विराट नर्सिङ होमबाट पक्राउ गरेको हो । उनीमाथि आफ्नै अनुयायीलाई बलात्कार गरेको आरोप लागेको छ । बलात्कारको आरोप लागे लगत्तै स्वास्थ्यमा समस्या आएको भन्दै अस्पताल भर्ना भएका गिरीलाई जिल्ला प्रहरी कार्यालय सुनसरीबाट खटिएको प्रहरी टोलीले पक्राउ गरेको बताइएको छ ।

उनलाई इनरुवा अस्पताल सुनसरीमा कडा सुरक्षाको साथ राखिए बताइन्छ । सोमबार बिहानै भक्तजनसँग पूनः भेटघाट सुरु गरेपछि उनलाई प्रहरीले पक्राउ गरेको हो । ठूला प्रशासकदेखि नेताहरुसम्म पहुँच भएका गिरीकै उक्साहटमा कुनै बेला तत्कालिन माओवादीका अध्यक्ष पुष्पकमल दाहाल प्रचण्डले भैंसी पूजा समेत गरेका थिए । केही वर्षअघि सुनसरीको चतरामा भएको एउटा यज्ञमा एमाओवादी अध्यक्ष पुष्पकमल दाहालले भैंसी पूजा गरेको बताइन्छ ।