काठमाडौं । नायिका मनिषा कोइराला आइएमई जनरल इन्स्योरेन्सको ब्रान्ड एम्बासडरमा नियुक्त भएकी छिन् ।
कम्पनीले नायिका कोइरालालाई एक कार्यक्रमबीच तीन वर्षका लागि आफ्नो ब्रान्ड एम्बासडर नियुक्त गरेको हो । कोइरालाको सहकार्यले कम्पनीको प्रवर्धन गर्न थप सहयोग पुग्ने कम्पनीका प्रमुख कार्यकारी अधिकृत युगेशभक्त बादे श्रेष्ठले बताए ।
नायिका कोइरालाले आइएमई जनरल इन्स्योरेन्सको ब्रान्ड एम्बासडर भएर काम गर्न पाउँदा आफूलाई खुशी लगेको र कम्पनीको उत्तरोत्तर प्रगतिमा आफूले उत्कृष्ठ भूमिका निर्वाह गर्ने बताइन् ।
