काठमाडौं । विश्वविख्यात मोडल एवं पर्वतारोही आङतेम्बा शेर्पा सामाजिक र चेतनामूलक विषयमा निर्माण हुने चलचित्रमा देखिन थालेका छन् । एउटा यस्तो प्रेम कहानी नामक चलचित्रमा एउटा साहु महाजन (मुखिया) को भूमिका निर्वाह गरेका छन् । फिस्टेल मुुभि प्रालिकी यशोदा राईको निर्माणमा तयार हुन लागेको सो चलचित्रमा वरिष्ठ नायक शिव श्रेष्ठको प्रस्तुति रहेको छ । चलचित्रको छायाँकन सकिएको र अहिले डबिङ कार्य भइरहेको बताइएको छ । केही दिनभित्रै रिलिज हुन लागेको उक्त चलचित्रको शुभ मुहुर्त उपराष्ट्रपति नन्दकिशोर पुनले केही समयअघि काठमाडौंमा गर्नुभएको थियो । ग्रामीण परिवेश र पुरानो समाजको चित्रण गरिएको उक्त चलचित्रको अधिकांश छायाँकन गाउँमै गरिएको थियो ।