काठमाडौं । के शनिबार, के आइतबार श्रम तथा रोजगार कार्यालय विराटनगरका प्रमुख प्रेम सञ्जेल कार्यकक्षमै भेटिन्छन् । आफू खटिएसँगै अरु कर्मचारी पनि उनीसँगै खटिउन् भन्ने उनको बानी छ ।

त्यही बानी सबैलाई सहज हुन्छ भन्ने छैन । शनिबार र बिदाका दिन परिवारसँग बस्ने इच्छा हुनेले पनि सञ्जोलको आदेश मानेर कार्यालय धाउनु पर्ने अवस्था आएपछि उपसचिव सञ्जेलमाथि कार्यालयमै हातहात हुन पुगेको हो । कार्यालयमा करारमा रहेका कर्मचारीहरूले सञ्जेलमाथि हातपात गरेको बताइएको छ ।

उपसचिव सञ्जेलमाथि हातपात भएको जानकारी आएलगत्तै सुरक्षाकर्मी पुगेको थियो । सञ्जेललाई उनीहरूले चप्पल, पञ्चिङ मेसिनलगायतले हातपात गरेको आरोप छ। सञ्जेलको अनुहारमा सामान्य चोट छ। उनीहरूले किन सञ्जेलमाथि हातपात गरे खुलेको छैन। घटनामा संलग्न रहेको आरोप लागेका कर्मचारीहरू नेत्र भट्टराई निरौला र मेनुका सापकोटालाई प्रहरीले छलफलका लागि बोलाएको छ।