काठमाडौं । नेपाल धितोपत्र बोर्डको अध्यक्षका लागि खुल्ला प्रतिस्पर्धाबाट नियुक्त गर्ने प्रक्रिया अनुरुप १९ जनाको आवेन परेको छ। यसरी आवेदन दिनेमा चिरञ्जीवी चापागाईँ, डा रघुराज काफ्ले, कृष्णराज पोखरेल, सन्तोष नारायण श्रेष्ठ, डा. बीमल कुमार तिवारी, डा नवराज अधिकारी, डा गोपाल प्रसाद भट्ट, नीरज गिरी, डा केशव प्रसाद श्रेष्ठ, कृष्ण बहादुर अधिकारी, कृष्ण बहादुर कार्की, मुक्तिनाथ श्रेष्ठ, प्रबिन पन्दाक, सूर्य प्रसाद अधिकारी, रामदेव यादव, सीताराम थपलिया, राम कृष्ण खतिवडा, खगेन्द्र कटुवाल, र मुक्ति अर्याल छन्। गत फागुन १६ गतेदेखि नेपाल धितोपत्र बोर्डको अध्यक्षको लागि दरखास्त आह्वान गरिएकोमा १५ दिनको म्याद राखिएको थियो । अध्यक्ष नियुक्तिका लागि गठित सिफारिस समितिले दरखास्त आव्हान गर्दै इच्छुक नेपाली नागरिकले फागुन ३० गतेभित्र आवेदन दिनु पर्ने सूचना जारी गरेको थियो ।