काठमाडौं। प्राइम टाईम्स टेलिभिजनका दृश्य सम्पादक अनिल गौतमको सडक दुर्घटनामा परी निधन भएको छ । कार्यालयबाट घर फर्किने क्रममा गौतम सवार बा २९ प १४७९ नम्बरको मोटरसाईकललाई प्रदेश (३ ०१ क ४५६३) नम्बरको टिपरले तिनकुने मुनिभैरव, कोटेश्वरमा ठक्कर दिँदा गौतमको घट्नास्थलमा निधन भएको हो । धुम्बाराही स्थायी घर भएका ५२ वर्षीय गौतम भक्तपुरको कौशलटारमा परिवारसहित बस्दै आएका थिए । गौतम विगत लामो समयदेखि विभिन्न मिडियामा कार्यरत थिए ।
दुर्घटनापछि घाइते भएका गौतमलाई काठमाडौंको बानेश्वरमा रहेको सिभिल अस्पताल ल्याईएको थियो । तर, अस्पताल ल्याउनुअगावै उनको निधन भैसकेको चिकित्सकले जनाएका थिए । पोष्टमार्टमको लागि गौतमको शव त्रिवि शिक्षण अस्पताल, महाराजगञ्ज लगिएको छ ।