काठमाडौं । सन् नेपाल लाइफ इन्स्योरेन्सको वरिष्ठ नायव प्रमुख कार्यकारी अधिकृत (डीसीईओ) मा कवि फुयाँल नियुक्त गरिएको छ । आइएमई लाइफको सीइओ भएर एक कार्यकाल पूरा गरी सञ्चालक समितिले अर्को कार्यकालको जिम्मेवारी थपी नियामक निकाय नेपाल बीमा प्राधिकरणबाट स्वीकृत पाइसकेको अवस्थामा २०८१ भाद्र ७ गते राजीनामा दिई सन् नेपाल लाइफमा आवद्ध हुनुभएको थियो । फुयालको कार्यकालमा आइएमई लाइफले व्यापारमा छलाङ नै मारेको थियो । फुयाल आइएमईलाइफ छाडेर सन नेपाल भित्रिदा सन नेपालको व्यापार टर्म लाइफमा मात्रै निर्भर थियो । जब कवि फुयालँको प्रवेश सन नेपालमा भयो त्यसपछि सन नेपाल लाइफले सावधिक बीमामा पनि उत्कृष्ट व्यापार गर्न सफल भएको थियो । बीमा कम्पनीको कार्यकारी अधिकृत अर्को बीमा कम्पनीमा औपचारिक रुपमा काम गर्नलाई छ महिनाको कुलिङ समय गुजार्नु पर्ने हुन्छ । त्यसै अनुसार फागुन ७ गते सो समय पूरा भएपछि सञ्चालक समितिले फागुन ८ गतेदेखि लागू हुने गरी फुयाँललाई सिनियर डीसीओमा नियुक्त गरेको हो । फुयाँलको कु्शल नेतृत्व र व्यापारीक शैलीका कारण अब सन नेपालको व्यापारले पनि फड्को मार्ने अपेक्षा गर्न सकिन्छ ।