काठमाडौं । सुनको भाउमा लगातार नयाँ रेकर्ड बन्न थालेको छ। पछिल्लो समय निरन्तर बढ्दो क्रममा रहेको सुनको भाउ आइतबार पनि तोलामा १ हजार ७०० रुपैयाँले बढेको छ। नेपाल सुनचाँदी व्यवसायी महासँघका अनुसार आइतबार छापावाला सुन प्रतितोला १ लाख ५८ हजार ८०० रुपैयाँमा खरिदबिक्री भइरहेको छ। गत शुक्रबार छापावाला सुन प्रतितोला १ लाख ५७ हजार १०० रुपैयाँमा खरिदबिक्री भएको थियो। यसअघि गत भदौ ३१ गते सुन प्रतितोला १ लाख ५७ हजार ३०० रुपैयाँ पुगेर नयाँ रेकर्ड बनाएकोमा आइतबार त्यो रेकर्डलाई तोड्दै अर्को नयाँ रेकर्ड कायम गरेको हो। सुनको भाउ बढ्ने क्रम अहिले पनि निरन्तर चलिरहेको छ।