आज नेपाली बजारमा सुन तथा चाँदीको मूल्यमा उल्लेख्य गिरावट आएको छ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला ५ हजार ५ सय रुपैयाँले घट्दै २ लाख ८५ हजार रुपैयाँमा कायम भएको छ। हिजो सुनको भाउ १ हजार रुपैयाँले घटेर २ लाख ९० हजार ५ सय रुपैयाँ पुगेको थियो। यससँगै दुई दिनमै सुनको मूल्य ६ हजार ५ सय रुपैयाँले घटेको देखिएको छ।
यसअघि गएको मंगलबार भने सुनको मूल्य प्रतितोला १ हजार ३ सय रुपैयाँले बढेको थियो।
चाँदीको मूल्य पनि आज घटेको छ। महासंघका अनुसार चाँदी प्रतितोला २१५ रुपैयाँले घटेर ४ हजार ८६५ रुपैयाँमा कारोबार भइरहेको छ। हिजो चाँदीको मूल्य प्रतितोला ५ हजार ८० रुपैयाँ थियो।
यसअघि गएको माघ १५ गते सुनको मूल्य एकैदिन प्रतितोला २० हजार ५ सय रुपैयाँले बढ्दै ३ लाख ३९ हजार ३ सय रुपैयाँ पुगेको थियो, जुन नेपाली बजारमा हालसम्मकै उच्च मूल्य हो।
त्यस्तै, माघ १८ गते चाँदीको मूल्य एकैदिन प्रतितोला १ हजार ५ सय ६५ रुपैयाँले घटेको थियो, जुन हालसम्मकै सबैभन्दा ठूलो गिरावट मानिएको छ।
माघ १५ गते नै चाँदीको मूल्य प्रतितोला ७ हजार ५०५ रुपैयाँ पुगेको थियो, जुन अहिलेसम्मकै उच्च मूल्य हो।
