काठमाडौं । शिवम् सिमेन्टले देशभरका तीन हजार ४५ निर्माणकर्मीहरुसँग अन्तरक्रिया गरेको छ । कम्पनीले देशभरका ५२ स्थानका तीन हजारभन्दा बढी निर्माणकर्मीसँग प्राविधिक अन्तरक्रिया सम्पन्न गरेको हो ।​ अन्तर्क्रिया कार्यक्रममा उपस्थित निर्माणकर्मीहरुलाई दक्ष एवं अनुभवी प्राविधिकद्वारा सिमेन्ट सम्बन्धी जानकारी दिइएको थियो । यस्तै, निर्माण सामाग्रीको गुणस्तर मापन तथा छनौट प्रक्रिया, निर्माणकर्मीहरुलाई दिनहु आईपर्ने निर्माण सम्बन्धी समस्याहरुको समाधानका उपाय र सिमेन्ट भण्डारण सम्बन्धी विस्तृत जानकारी गराइएको थियो । शिवमले अन्तर्क्रियामा सहभागी निर्माणकर्मीहरूको लागि पाँच लाख रुपैयाँ बराबरको दुर्घटना बीमा समेत गरेको छ । यसका साथै, उपस्थित ३ हजार ४५ निर्माणकर्मीहरुलाई दैनिक कार्यमा आवश्यक पर्ने सामानहरु, व्याग, टिफिन बक्स आदिका साथै इन्सुरेन्स पोलिसी समेत हस्तान्तरण गरेको थियो ।