काठमाडौं । नियामक निकाय बीमा समितिने तोकेको चुक्ता पुँजी पुर्याउन आईएमई लाइफ इन्स्योरेन्स कम्पनीले आईपीओ निस्कान गर्ने भएको छ । कम्पनीको दोस्रो वार्षिक साधारण सभाले ६० करोड रुपैयाँ बराबरको ६० लाख कित्ता आईपीओ निष्काशन गर्ने प्रस्ताव पारित गरेको छ।
कम्पनीले बीमा समितिले तोकेको न्यूनतम २ अर्ब चुक्ता कायम गर्न सर्वसाधारणमा अंकित मूल्य १०० रुपैयाँ दरमा ६० लाख कित्ता शेयर जारी गर्ने निर्णय गरेको कम्पनीले जनाएको छ । हाल १ अर्ब ४० करोड रुपैयाँ चुक्ता पूँजी रहेको आईएमई लाइफको आईपीओ पश्चात २ अर्ब चुक्ता पूँजी तथा संस्थापक साधारण शेयर स्वामित्व अनुपात ७०ः३० प्रतिशत कायम हुनेछ। आईपीओ निष्काशन गर्न कम्पनीले सिभिल क्यापिटललाई शेयर निष्काशन तथा बिक्री प्रबन्धक नियुक्त गरिसकेको छ।
