काठमाडौं । केही दिनदेखि घटेको कोरोना संक्रमितको दर आज केही बढेको छ । पछिल्लो २४ घण्टामा देशभर १५६ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले नियमित प्रेस ब्रिफिङका क्रममा १५६ जनामा कोरोना संक्रमणको पुष्टि भएको जानकारी दिनुभयो । यो सँगै कोरोना संक्रमितको संख्या १७६५८ पुगेको छ । काठटमाडौं उपत्यकामा ३ जना कोरोना संक्रमित थपिएका छन् । काठमाडौंका एक र ललितपुरका २ जनामा कोरोना संक्रमण देखिएको प्रवक्ता गौतमले जानकारी दिनुभयो । प्रवक्ता गौतमका पछिल्लो २४ घण्टामा २८ वटा प्रयोगशालामा ३७४१ जनाको पीसीआर परीक्षण गरिएको छ । २४ घण्टामा ५८ जना कोरोनामुक्त भइ डिस्चार्ज भएका छन् । जम्मा डिस्चार्ज हुनेको संख्या ११६९५ जना छन् । देशभर क्वारेन्टिनमा २२६६२ जना रहेका छन् ।