काठमाडौं । आफ्नो रेकर्ड बे्रक गर्दै आएको सुनको भाउले फेरि अर्को रेकर्ड बनाएको छ । सुनको भाउ तोलामा १ हजार ३०० रुपैयाँले बढेर हालसम्मकै उच्च ९४ हजार पुगेको छ । नेपाल सुनचाँदी व्यवसायी महासँघले बुधबार छापावाला सुनको भाउ प्रतितोला ९४ हजार रुपैयाँ कायम गरेको हो।
अघिल्लो दिन मंगलबार पनि सुनको भाउ तोलामा ३०० रुपैयाँले बढेर प्रतितोला ९२ हजार ७०० रुपैयाँमा खरिद बिक्री भएको थियो। सुनको भाउ अन्तराष्ट्रिय बजारमा उच्च रुपले बढेको छ जसले गर्दा नेपाली बजारमा पनि सुनको भाउ उच्च रुपले बढेको हो। सुनको भाउ बुधबार अन्तराष्ट्रिय बजारमा प्रतिआउन्स १ हजार ८५६ अमेरिकी डलरको हाराहारीमा कारोबार भइरहेको छ।
यस दिन तेजाबी सुन भने ९३ हजार ५६० रुपैयाँ प्रतितोलामा कारोबार भइरहेको महासँघले जनाएको छ। त्यस्तै बुधबार चाँदीको भाउ पनि एकैदिन तोलामा ९५ रुपैयाँले बढेर प्रतितोला १ हजार १३५ रुपैयाँ पुगेको छ। यो नेपाली बजारमा चाँदीको हालसम्मकै उच्च भाउ हो।
अघिल्लो दिन मंगलबार पनि चाँदी तोलामा ४० रुपैयाँले बढेर १ हजार ३० रुपैयाँमा खरिद बिक्री भएको थियो।
