काठमाडौँ । ज्योति लाईफ इन्स्योरेन्स कम्पनी लिमिटेडले बोनस दर घोषणा गर्दै अधिकतम ७५ रुपैयाँयसम्म दिने घोषणा गरेको छ । कम्पनीले आव २०७५/०७६ का लागि बीमितलाई प्रतिहजार न्युनतम ४३ देखि अधिकतम ७५ रुपैयाँसम्म बोनस दिने घोषणा गरेको हो ।
कम्पनीले जनाएअनुसार सावधिक जीवन बीमालेखका लागि ९ वर्षसम्म अवधिको ४३ रुपैयाँ, १० देखि १४ वर्ष अवधिको ४५ रुपैयाँ, १५ देखि १९ वर्ष अवधिको लागि ५० रुपैयाँ, २० देखि २४ वर्ष अवधिको ५५ रुपैयाँ र २५ वा सोभन्दा बढी वर्षको सावधिक जीवन बीमालेखका लागि ७५ रुपैयाँ बोनश दर घोषणागरेको हो ।
सावधिक तथा आजीवन बीमालेख योजना अन्तर्गत ९ वर्षसम्म अवधिको ४३, १० देखि १४ वर्ष अवधिको लागि ४५, १५ देखि १९ वर्ष अवधिको ५०, २० देखि २४ वर्ष अवधिको ५५ र २५ वा सोभन्दा बढी अवधिको बीमालेखमा ७५ रुपैयाँ बोनश दर दिने भएको छ ।
अग्रिम भुक्तानी जीवन बीमालेख योजना अन्तर्गत भने १० देखि १४ वर्ष अवधिको ४३, १५ देखि १९ वर्ष अवधिको ४५, २० देखि २४ वर्ष अवधिको ५० रुपैयाँ बोनश दर तोकेको छ ।
