काठमाडौं । फ्रेन्च क्लब पेरिस सेन्ट जर्मेन (पिएसजी)का नेमारसहित तीन खेलाडीलाई कोरोना संक्रमण पुष्टि भएको छ । पिएसजीले तीन खेलाडीलाई कोरोना पुष्टि भएको बताए पनि नाम भने खेलाएको थिएन । तर अन्तर्राष्ट्रिय समाचार माध्यमहरुले भने ब्राजिलियन स्टार खेलाडी नेमारसहित तीन खेलाडीलाई कोरोना पुष्टि भएको उल्लेख गरेका छन् । पीएसजीले तीन खेलाडीमा कोरोना संक्रमण पुष्टि भएपछि अरु खेलाडी र कर्मचारीहरुको पनि परीक्षण गरिने जानकारी दिएको छ ।