काठमाडौं । आइतबार सुनको भाउमा गिरावट आएको छ । चैत २० गते, सुन तोलामा ४०० रुपैयाँले घटेको हो । नेपाल सुनचाँदी व्यवसायी महासंघका अनुसार आज चाँदीको भाउ भने स्थिर रहेको छ । यस दिन छापावाल सुन प्रतितोला ९९ हजार ३०० रुपैयाँमा र तेजाबी सुन प्रतितोला ९८ हजार ८०० रुपैयाँमा झरेको छ । गत शुक्रबार सुन तोलामा ८०० रुपैयाँले बढेको थियो । त्यस दिन सुन प्रतितोला ९९ हजार ७०० रुपैयाँ पुगेको थियो । आइतबार चाँदीको मूल्य भने स्थिर रहेको छ । आज चाँदीकालागि शुक्रबारकै मूल्य तोकिएको छ । चाँदी प्रतितोला एक हजार ३६० रुपैयाँ कायम रहेको छ ।