काठमाडौं । नेपालको सबैभन्दा पुरानो नेपाल इन्स्योरेन्सले आर्थिक वर्ष २०७४/७५ को मुनाफाबाट ७.५ प्रतिशत लाभांशको घोषणा गरेको छ । इन्स्योरेन्सको ७० औं वार्षिक साधारणसभाले लाभांश सहित मर्जर तथा एक्वीजिशनमा जाने एजेण्डा परित गरेको हो ।
चुक्ता पूँजी १ अर्ब १ करोड ९१ लाख रुपैयाँको ७।५ प्रतिशत बराबरको बोनस शेयर वितरण गर्ने प्रस्ताव साधारण सभाबाट पारित भएको हो । बीमा समितिको निर्देशन अनुसार न्युनतम चूक्ता पूँजी पुर्याइसकेको इन्स्योरेन्सले बोनस वितरण पछि एक अर्ब ९ करोड ५५ लाख रुपैयाँ पुग्नेछ । बोनसमा कर प्रयोजनको लागि ४० लाख २२ हजार रुपैयाँ प्रस्ताव गरे पनि बीमा समितिले अस्वीकार गरेपछि सो कर शेयरधनीकै भागमा परेको छ ।
यस्तै साधारण सभाले निर्जीवन बीमा व्यवसाय गर्ने उपयुक्त कम्पनीसँग गाभ्ने, गाभिने वा प्राप्ती गर्ने सम्बन्धी विषयमा निर्णय गर्ने सम्पूण अधिकार सञ्चालक समितिलाई प्रदान गर्ने प्रस्ताव पनि पारित गरेको छ ।