एजेन्सी। संसारभरका मानिसहरूले अनौठो तरिकाले पैसा कमाएर मानिसहरूलाई चकित पार्छन्। कोहीले आफ्नो खुट्टाको तस्बिरबाट करोडौं कमाएको देख्न सकिन्छ भने कोहीले अनौठो काम गरेर करोडौं कमाएको देखिन्छ । बेलायतकी ३० वर्षीया महिला फेनेला फक्सले पनि त्यस्तै गरी करोडौं कमाइरहेकी छिन् । अन्य मानिसजस्तै उनको माध्यम पनि सामाजिक सञ्जाल हो तर उनले सुन्दर तस्बिर पोस्ट गरेबापत पारिश्रमिक पाउँदिनन् । बरु, उनले आफ्नो शरीर विशेष गरी काखीको कपालको फोटो पोस्ट गरेर पैसा कमाइरहेकी छिन्। आफ्नो काखीको कपालका कारण वर्षमा करिब १० लाख डलर कमाउने ३० वर्षीया महिलाले सामाजिक सञ्जालमा १४ घण्टा बिताउने गरेको बताइन् । फक्सको दाबी अनुसार उनले सामाजिक सञ्जाल प्लेटफर्महरू मार्फत प्रति महिना ९ हजार ५ सय डलर कमाउँछिन्। सामाजिक सञ्जालमा उनका १० लाखभन्दा बढी फलोअर्स छन् । उनले महिलामाथि लगाइएका सौन्दर्य मापदण्डबाट चिन्तित भएकाले सात वर्षअघिदेखि नै आफ्नो शरीरको कपालका तस्बिर अनलाइन पोस्ट गर्न थालेको बताइन् । उनी शरीरको कपाल – विशेष गरी काखीको कपाल – मोडलिङ कम्पनीहरूले देखून् भन्ने चाहन्थिन् । त्यसैले उनले तिनीहरूलाई नयाँ तरिकाले देखाउने निर्णय गरिन् । फक्सले महिलाहरूले समुद्र तट वा पहाडहरूमा बिकिनी लगाएर पोज गरेको देखिन् । त्यसैले उनले पनि यो सुरु गरिन् तर उनको तस्विरमा फरक के थियो भने उनको शरीरको कपाल स्पष्ट देखिन्थ्यो । उनले मेल अनलाइनलाई भनिन्– मैले मेकअप लगाउन छाडिदिएँ, कपाल स्टाइल गर्न छाडिदिएँ, सेभ गर्न छोडेँ र मेरो शरीरलाई प्राकृतिक छोडिदिएँ। मैले यसबारे अनलाइनमा धेरै कुरा गरेँ र चाँडै ‘शरीर सकारात्मक’ भएँ। अहिले एक ‘इन्फ्लुएन्सर’ को रूपमा चिनिन्छु।’ उनले यस्तो तस्बिर खिच्नु आफ्नो जीवनको सबैभन्दा राम्रो समय भएको बताइन् तर अधिकांशले उनको कामप्रति नकारात्मक टिप्पणी गरे र अहिले पनि गर्छन् तर यसका लागि पनि उनलाई लाखौंले फलो गरेका छन् र उनले धेरै पैसा कमाएकी छिन् ।