काठमाण्डौ । प्रभु बैंक लिमिटेडका डेपुटी सीइओ मनोज न्यौपाने पक्राउ परेका छन् । न्यौपानेलाई आज केन्द्रीय अनुसन्धान ब्युरो (सीआईबी)ले पक्राउ गरेको हो । सीआईबीले न्यौपानेका साथै तत्कालिन सेञ्चुरी बैंकका पूर्व सीईओ तुलसीराम गौतमसहित १० जनालाई पक्राउ गरेको छ । तत्कालिन सेञ्चुरी बैंकको सीईओ हुँदाका बखत कर्जा प्रवाहमा चलखेल गरेको आरोपमा दुई जनासहित १० जनालाई लाई पक्राउ गरिएको सीआईबीले जनाएको छ । कम धितो राखेर सीमाभन्दा बढी कर्जा प्रवाह गरेको आरोप उनीहरुलाई लागेको छ । देउराली सहकारीका अध्यक्ष रवीन्द्र चौलागाई र उनका कम्पनीहरुलाई तत्कालिन सेञ्चुरी कमर्सियल बैंकबाट करीब २ अर्ब कर्जा प्रवाह गरिएको थियो ।