काठमाण्डौ । अन्तराष्ट्रिय बजारमा सुनको मूल्यमा उच्च गिरावट आएको छ । आजको कारोबारमा सुनको मूल्य १.३६ प्रतिशत अर्थात ३५.९४ डलरले घटेको छ । यो समाचार तयार पार्दासम्म सुनको मूल्य प्रतिऔंस २ हजार ६१० डलरमा कारोबार भईरहेको छ । बुधबार अमेरिकी कन्द्रीय बैंकले ब्याजदर कटौती गर्ने निर्णय गरेसँगै सुनको मूल्यमा गिरावट आएको हो । यस्तै डलरको मूल्य समेत बढेकाले सुन खरिद महङ्गो पर्न गएकाले यसको मूल्यमा गिरावट आएको बताइएको छ । आज चाँदीको मूल्य पनि घटेको छ । चाँदीको मूल्य ०.९३ डलरले घट्दै प्रतिऔंस २९.४९ डलरमा कारोबार भईरहेको छ ।