काठमाडौं । हिमालयन लाइफ इन्स्योरेन्स कर्मचारी संघले तृत्व विकास तथा क्षमता अभिवृद्धि तालिम कार्यक्रम सम्पन्न गरेको छ। काठमाडौंमा आयोजित कार्यक्रममा कम्पनीक सीईओ मनोजकुमार लाल कर्णसहित उच्च व्यवस्थापन र करिब १६० जना कर्मचारीको सहभागिता थियो। कार्यक्रममा स्रोत व्यक्ति तथा सहजीकरणको भूमिकामा साबिक बीमा समितिका पूर्वअध्यक्ष फत्तबहादुर केसी, वरिष्ठ अधिवक्ता डा रमेश रेग्मी, डा रविन कटुवाल र नेपाल ट्रेड युनियन कांग्रेसका उपाध्यक्ष गणेश केसी छन्। कार्यक्रममा प्राडा केसीले बीमा क्षेत्रका चुनौती, अवसर र आगामी कार्यदिशा, डा रेग्मीले श्रम कानुन कार्यान्वयनमा चुनौती, डा कटुवालले कर्मचारी उत्प्रेरणा र केसीले कर्मचारीको अधिकार संरक्षण र उत्पादकत्व वृद्धिमा ट्रेड युनियनको भूमिका विषयमा आफ्नो धारणा राखेका थिए। संघले आयोजना गरेको कार्यक्रम समयसापेक्ष रहेको थियो।