काठमाडौं । सभामुखको दौडबाट मैदान छाडेकी उपसभामुख शिवमाया तुम्बाहाङ्फेलाई मन्त्री बनाउने विषयमा नेकपाका दुई अध्यक्षबीच सहमति भएको छ । अग्नि सापकोटालाई सभामुख बनाउने सहमति गरेपछि प्रधानन्त्रीसमेत रहेका नेकपाका अध्यक्ष केपी ओलीले उसपभामुख शिवमाया तुम्बाहाङ्फेलाई बालुवाटार बोलाएर राजीनामा गर्न आग्रह गरेका थिए । तर, उनले आफूले राजीनामा गर्नुपर्नका कारण लिखित रुपमा माग गरेपछि उनलाई मन्त्री बनाउने बचनबद्धतासैगै शिवमाया राजीनामाका लागि तयार भएकी थिइन् ।
संविधान अनुसार एकै दलका दुई जना सभामुख र उपसभामुख बन्न नमिल्ने भएका कारण तुम्बाहाङ्फेले राजीनामा नदिइ सभामुख निर्वाचनको प्रकृया शुरु हुन नसक्ने भएका कारण नेकपाका लागि उनको राजीनामा अनिवार्य भएको हो । कानुनका ज्ञाता भएका कारण शिवमायालाई कानुनमन्त्री बनाउनेबारे नेकपाभित्र छलफल चलेको बताइन्छ ।