काठमाडौं । रोजगारीको खोजीमा पत्रपत्रिका तथा अनलाइन नियालीरहेका युवाहरुलाई खुशीको खबर । नेपालको पहिलो बीमा कम्पनी नेपाल इन्स्योरेन्सले केही सहायक स्तरका कर्मचारीको आवश्यकता भएकाले इच्छुक र योग्य उम्मेदवारबाट दरखास्त आह्वान गरेको छ । कम्पनीले सल्यान, रुकुम, धरान, इटहरी, बिराटचोक, दमक, धनकुटा, इलाम, चन्द्रौटा, तानसेन, पाल्पा र प्युठानका शाखा कार्यालयहरुका लागि कर्मचारीको आह्वान गरेको हो । मान्यताप्राप्त शिक्षण संस्थाबाट +२ पास गरेका र बीमा सम्बन्धी ज्ञान भएका व्यक्तिले आवेदन दिन सकिने बताइएको छ । मोटरसाइकल तथा स्कुटरको सवारी चालक अनुमति पत्र भएका उम्मेदवारलाई विशेष प्राथमिकता दिइने बताइको छ । इच्छुक उम्मेदवारले उल्लेखित शाखा कार्यालयहरु वा प्रधान कार्यालयको मानव स्रोत विभागमा आवेदन दिन सकिने बताइएको छ ।