काठमाडौं । लुम्बिनी जनरल इन्स्योरेन्सकम्पनीको सञ्चालक समितिको २०२औं बैंठकले १०.२३७ प्रतिशत लाभांश प्रस्ताव गरेको छ ।
इन्स्योरेन्सले आर्थिक वर्ष २०७५/७६ को मुनाफाबाट चुक्ता पूँजी ८८ करोड ३३ लाख ९३ हजार रुपैयाँको ९।७५ प्रतिशत अर्थात ८ करोड ५८ लाख रुपैयाँ बराबरको बोनस र बोनस शेयरमा लाग्ने कर बापत ०.४८७५ प्रतिशत अर्थात ४२ लाख ९० हजार रुपैयाँ बराबरको नगद लाभांश वितरण गर्ने प्रस्ताव गरेको हो ।
कम्पनीले प्रस्ताव गरेको उक्त बोनस वितरण पछि चुक्ता पूँजी ९६ करोड ९१ लाख रुपैयाँ पुग्ने छ । लुम्बिनी जनरल इन्स्योरेन्सले आर्थिक वर्ष २०७३/७४ मा १२.८२ प्रतिशत बोनस र ०.६७ प्रतिशत नगद लाभांश वितरण गरेको थियो ।
