काठमाडौं । सामाजिक सञ्जालबाट प्रहरीमाथि गालीगलौज गरेको अभियोगमा पक्राउ परेकी गायिका आस्था राउत ४ हजार धरौटीमा रिहा भएकी छिन् । जिल्ला प्रशासन कार्यालय काठमाडौँको आदेशपछि मंगलबार राउत ४ हजार धरौटीमा रिहा भएकी हुन् ।
सोमबार काठमाडौँ प्रहरीमा आफैं उपस्थित भएपछि प्रहरीले जिल्ला प्रशासन कार्यालयमा म्याद थपका लागि लगेकोमा ४ दिनको म्याद दिएको थियो । सामान्य विषयमा ४ दिनको म्याद दिएर प्रहरीले प्रतिशोध साँध्न खोजेको भन्दै चोतर्फी विरोध हुँदै आएपछि प्रहरीले ४ हजार धरौटी लिएर छाडिदिएको हो । मंगलबार प्रहरीले उनलाई सरकारी वकिलको कार्यालयमा मार्फत फेरि प्रशासनमा उपस्थित गराएकोमा प्रशासनले ४ हजार घरौटीमा छाड्न आदेश दिएको हो ।