काठमाडौं । देशैभर फैलिएको र सबैभन्दा बढी ग्राहकको मन जित्न सफल डिसहोम प्रालिले नजिकिँदो चाडपर्वलाई लक्षित गरी विशेष अफर ल्याएको छ । सो अफरअन्तर्गत अब डिसहोमको नयाँ सेवा लिनका लागि मात्र रु २ हजार ९ सय ९९ लाग्ने जनाइएको छ । यसैगरी अब डिसहोमको सबैभन्दा सस्तो सुविधा लिने ग्राहकले एक वर्षभरिको रिचार्ज एकै पटक गर्दा ३ हजार ६ सय रुपैया बुझाउनु पर्ने हुन्छ । यो सेवा यसअघि २ हजार ४ सयमा उपलब्ध गराउँदै आएको थियो । यसैगरी सबैभन्दा उच्चस्तरीय सेवा लिने ग्राहकले अब एक वर्षका एकमुष्ट ८ हजार ४ सय मात्रै तिर्दा पुग्नेछ यसअघि यो सेवा १० हजार ८ सयमा दिइएको थियो । फन्ड ट्रान्सफरबाट रिचार्ज गरी खुशी वर्षभरि भन्ने नाराका साथ डिसहोमले यो अफर सार्वजनिक गरेको हो ।