सिड्नी । महाशिवरात्रिको अवसरमा अष्ट्रेलियामा विशेष पूजा तथा भजनकिर्तन कार्यक्रम हुने भएको छ । नेपाली भजन किर्तन समूहले कार्यक्रमको आयोजना गरेको हो । महाशिवरात्रीको दिन अर्थात फेब्रुअरी २१ मा एडलेड स्थित हलमा कार्यक्रम हुने बताइएको छ । पूजा तथा भजन किर्तन दिउँसो १ बजे सुरु भइ राति ९ बजेसम्म चल्नेछ ।
आयोजकका अनुसार, १ देखि ४ः३० बजेसम्म महाशिवरात्री विशेष पूजा चल्नेछ । ४ः३० देखि ५ः३० सम्म आरतीको साथमा पूजा समापन हुनेछ । पूजा समापनपछि ६ः३० सम्म प्रसाद वितरण हुनेछ भने त्यसपछि राती ९ बजेसम्म भक्ति संगीत र भजनकिर्तन चल्नेछ ।