काठमाडौं । खानी तथा भूगर्व विभागको महानिर्देशक पदमा रामप्रसाद घिमिरे नियुक्त भएका छन् । उद्योग बाणिज्य तथा आपूर्ति मन्त्री लेखराज भट्टले घिमिरेलाई महानिर्देशक पदमा नियुक्त गरेका हुन् । यसअघिका महानिर्देशक सोमराज सापकोटाले अवकाश पाएसँगै विभागको महानिर्देशक पद खाली थियो । निमित्त महानिर्देशकको भूमिका घिमिरेले निभाउँदै आएका थिए । वरिष्ठताका आधारमा घिमिरेलाई महानिर्देशक बनाइएको बताइएको छ । २०५१ सालमा शाखा अधिकृतबाट सेवा प्रवेश गरेका घिमिरे खानी तथा भूगर्भ क्षेत्रमा विज्ञ मानिन्छन् । उनलाई विभागलाई परिणामुखी बनाउनु पर्ने चुनौती छ ।
यसैगरी जेष्ठताका आधारमा बढुवा भएका सहसचिव प्रभातकुमार सिंहलाई नेपाल गुणस्तर तथा नापतौल विभागमा पदस्थापना गरिएको छ । उद्योग मन्त्रालयमा लामो समय काम गरिसकेका सिंहसँग विभागको अनुभव पनि रहेको छ ।