टोकियो । कोरोना संक्रमणले विश्वलाई नै आतंकित बनाएको छ । त्यसमा पनि नेपाली श्रमिकहरुको उपस्थिति रहेको जापान, कोरिया, कतार जस्ता मुलुकमा अहिले कोरोनाको संक्रमण फैलिँदो अवस्थामा छ । वैज्ञानिकहरुले यसको उपचार अझै पत्ता लगाउन नसकिरहेको बेला विज्ञान प्रविधिका हिसावले सम्पनन मानिएको मुलुक जापानमा मार्च ५ तारिख अपरान्ह सम्ममा कोरोना भाईरसबाट संक्रमितको संख्या १ हजार ४० पुगेको छ । संक्रमित मध्ये ७ सय ११ जना डाईमण्ड प्रिन्सेस पानी जहाँजका यात्रु र बाँकी ३ सय २९ जना जापानभित्र भेटिएको जापानको स्वास्थ्य मन्त्रालयले पुष्टि गरेको छ । संक्रमित मध्ये १२ जनाले ज्यान गुमाईसकेका छन् । गुमाएका मध्ये पनि ६ जना पानी जहाँजका यात्रु र ६ जना जापानमै भेटिएका संक्रमितहरु रहेका छन् ।
यसैगरि २४ जना संक्रमितहरुको अवस्था चिन्ताजनक रहेको स्वास्थ्य मन्त्रालयले जनाएको छ । संक्रमित मध्ये ५८ जना निको भएको विवरणमा जनाईएको छ । जापानसँगै कोरोना भाईरसको संक्रमण भेटिएको दक्षिण कोरियामा कोरोनाले देशव्यापी असर पारेको छ । एक सातामै संक्रमितको संख्या बढेर ६ हजार नजिक पुगेको छ । हालसम्म ५७ सय ६० जनामा संक्रमण पुष्टि भएको समाचार संस्था एरिर्यागं टेलिभिजनले जनाएको छ । संक्रमित मध्ये ३५ जनाले ज्यान गुमाईसकेको विवरणमा उल्लेख छ । (एजेन्सी)