काठमाडौँ । गत बुधबार मृर्गौला प्रत्यारोपण गराउनुभएका प्रधानमन्त्री केपी शर्मा ओलीलाई चिकित्सकबाहेक कसैसँग पनि भेटघाट नगराइएकोमा आज मिर्गौलादाता समीक्षा संग्रौलाले भेटेकी छिन् । लिभर आईसीयू कक्षमै गएर समीक्षाले मामासमेत रहेका प्रधानमन्त्री ओलीलाई दिउँसो ३ बजे भेटेकी हुन् । प्रधानमन्त्रीका प्रेस सल्लाहकार सूर्य थापाकाअनुसार भेटमा समीक्षाले प्रधानमन्त्री ओलीको स्वास्थ्य अवस्थाबारे जिज्ञासा राखेकी थिइन् । प्रधानमन्त्री ओलीले आफ्नो स्वास्थ्य अवस्थामा सुधार भइरहेको बताएका थिए । प्रधानमन्त्री ओलीको स्वास्थ्य अवस्थामा क्रमिक सुधार भइरहेको छ भने मिर्गौलादाता भान्जी समीक्षाको स्वास्थ्य अवस्थामा भने उल्लेख्य सुधार भइसकेको बताइएको छ ।
समीक्षाको डिस्चार्ज
प्रधानमन्त्री तथा मामा केपी ओलीलाई भेटे भेटेलत्तै समीक्षा संग्रौला बुधबार डिस्चार्ज भएकी छिन् । समीक्षा नाताले प्रधानमन्त्री ओलीकी ‘भान्जी’ हुन् । नौ दिनको अस्पताल बसाईपछि उनी डिस्चार्ज भएकी हुन् । प्रधानमन्त्री ओलीको समेत स्वास्थ्यमा सुधार आएकाले डिस्चार्जको तयारी भइरहेको छ ।
