काठमाडौं । सिंगो मुलुक कोरोनासँग लडिरहँदा थर्मल गन कालोबजारीको आरोपमा पक्राउ परेका सुलभ अग्रवाल बिहीबार नै जिल्ला अदालत, काठमाडौंले २५ लाख ५० हजार धरौटीमा छाडेको थियो । तर अदालत परिसरबाटै प्रहरीले उनलाई पक्राउ गरेर सम्पत्ति शुद्धीकरण विभागमा बुझाएको थियो । शंकर ग्रुपका सञ्चालक समेत रहेका अग्रवाललाई सम्पत्ति शुद्धीकरण विभागले तारेखमा छाडेको छ । विभागले उनीसँग बयान लिएको र लकडाउनपछि अनुसन्धान गर्ने गरी छाडेको बताइएको छ ।