काठमाडौं । लकडाउनको अवधिमा पनि बिमितहरुलाई डिजिटल माध्यमबाट सेवा दिँदै आएको नेशनल लाइफ इन्स्योरेन्स कम्पनीले झडै दुई करोड बीमा भुक्तानी गरेको छ । लकडाउनको यस अवधिमा कम्पनीले मेच्युरिटी क्लेम (पूर्णावधि दावी) वापत रु. एक करोड ८४ लाख ४१ ह्जार नौं सय ८५ रकम बिमितलाई भुक्तानी गरेको छ । कम्पनीले डिजिटल प्रविधिवाट बीमा शुल्क भुक्तानी लिने र बिमितलाई अन्य सेवा सुविधा समेत उपलब्ध गराइरहेको छ ।
नेशनल लाईफ इन्स्योरेन्सले आफ्नो सम्पूर्ण कर्मचारीहरुको कोरोना (कोभिड १९) रोग वापत एक वर्षको लागि बीमा गरेको छ । सो रोग लागेको पीसीआर प्रविधिवाट प्रमाणित भएमा तुरुन्त बिमाङ्क रकम प्रदान गर्ने ब्यवस्था रहेको छ । यसवाट कम्पनीमा कार्यरत कर्मचारीहरुको मनोवल उच्च हुने र ब्यवसायमा सकारात्मक प्रभाव पार्ने कम्पनीको विश्वास छ ।