काठमाडौ । लकडाउनका बेला कलंकी नजिक रविभवनमा मोटरसाइकल र कार ठोक्किँदा एक जनाको मृत्यु भएको छ। शुक्रबार बिहान कल‌ंकीबाट कालीमाटीतर्फ आइरहेको बा २१ च ४३४७ नम्बरको कार र विपरीत दिशाबाट जाँदै गरेको बा ७२ प ८१७२ नम्बरको मोटरसाइकल ठोक्किएका हुन्। सो दुर्घटनामा मोटरसाइकल चालक मोरङ बेलबारीका टीकाराज गेलालको मृत्यु भएको ट्राफिक प्रहरीका इन्स्पेक्टर पुरूषोत्तम कार्कीले जानकारी दिए। ुमोटरसाइकल चालक ओभरटेक गर्दै गलत लेनमा जाँदा दुर्घटना भएको उनले बताएका छन् । चालकलाई अस्पताल पुर्‍याउने बित्तिक्कै अस्पतालले मृत घोषणा गरेको उनले बताए। कारका चालक नेपाली सेनाको प्रमुख सेनानी शिखर जबरा हुन्। उनलाई प्रहरीले नियन्त्रणमा लिई महानगरीय प्रहरी वृत्त कालीमाटीमा राखेको छ। प्रहरीका अनुसार चालकको मृत्यु भएकोले उनलाई ज्यान मुद्दा चलाइनेछ।