लण्डन । कोरोना संक्रमणबाट बेलायमा भूतपूर्व गोरखा सैनिक कर्णबहादुर राईको निधन भएको छ । श्वास फेर्न गाह्रो भएपछि १० दिनअघि अस्पताल भर्ना भएका राईको मेडिस्टोन अस्पताल केन्टमा निधन भएको बताइएको छ । ७७ वर्षीय राईलाई कोरोनाको लक्षण घरमै देखिएको थियो । उनलाई शुरुमा टाउको दुख्ने गरेको थियो भने पछि श्वास फेर्न गाह्रो भएको थियो । उनलाई भेण्टिलेटरमा राखी उपचार गरिँदैथियो । परिवारका अनुसार उनमा अन्य कुनै स्वास्थ्य समस्या थिएन ।
ताप्लेजुङ मैवाखोला स्थायी घर भएका राई सन् २०१७ देखि बेलायतको मेडिस्टोनमा बसोबास गर्दै आएका थिए । बेलायत आएको केही महिनामै राईकी श्रीमतीको निधन भएको थियो । उनी हाल एक छोरा, एक छोरीसित बेलायतमा बस्दै आएका थिए । उनको दुई छोरा, चार छोरी छन् ।