काठमाडौं । मुलुक संकटमा छ । दिनदिनै कोरोना संक्रमित थपिने क्रममा छन् भने छिमेकी मुलुकले लाजै पचाएर नेपाली भूमिमाथि नांगो हस्तक्षेप गरिरहेको छ । मुलुकका अगाडि आएको यी ठूला समस्याको समाधान निकाल्न सरकारले बुधबार सर्वदलीय बैठक बोलाएको छ । अपरान्ह ४ बजे प्रधानमन्त्री केपी शर्मा ओलीको सरकारी निवास बालुवाटारमा बैठक बोलाइएको प्रधानमन्त्रीको सचिवालये जानकारी दिएको छ । सर्वदलीय बैठकमा संसदमा प्रतिनिधित्व गर्ने सबै राजनीतिक दलका अध्यक्ष र पूर्वप्रधानमन्त्रीहरुलाई बोलाइएको छ ।