टोकियो । जापानको साइतामा प्रिफेक्चरमा बसोबास गर्दै आएका पोखराका एक नेपाली युवाको मस्तिष्कघातका कारण निधन भएको छ । नेपाल घर पर्स्याङ, पोखरा भई साइतामाको सिकीमा बस्दै आएका ३४ बर्षिय सुविन सुवेदीको मंगलबार निधन भएको हो । उनी मंगलबार विहान सुतेकै अवस्थामा मृत भेटिएका थिए । बिगत ४ बर्षदेखि कुक भिसामा कार्यरत उनी श्रीमतीसहित जापानमा बसोबास गर्दै आएका थिए । प्रहरीले दिएको पोष्टमार्टम रिपोर्टमा उनको मृत्युको कारण मस्तिष्कघात भएको बताइएको छ । मृतकका परिवारसँको सल्लाहअनुसार उनको दाहसंस्कार जापानमा नै गरिने बताइएको छ ।