काठमाडौँ । कोही पनि राष्ट्रवादी आफ्नो मातृभूमि छाडेर चर्न गएको कर्मथलोको पक्षमा लाग्दैन । अभिनेत्रि मनिषा कोइरालाको हकमा पनि त्यस्तै भयो । हो मनिषाले इज्जत, प्रतिष्ठा र धनसम्पत्ति भारतबाटै कमाएकी हुन् । तर त्यसो भन्दैमा उनले नेपाली भूमि आफ्नो भन्ने आधिकार गुमाएकी होइनन् । र बलिउडले गरेको लगानी उनको क्षमताका लागि हो । नेपालले सार्वजनिक गरेको नयाँ नक्सालाई समर्थन जर्दा अहिले भारतीय मिडिया मनिषा कोइरालाको विपक्षमा लागेको छ । मनिषा कोइरालाको यो पक्षधरतालाई केही भारतीय मिडियाले चीनको पक्ष लिएको भनेर समेत लेखेका छन् । नेपालले चीनको उक्साहटमा नयाँ नक्सा जारी गरेको भन्दै आएका भारतीय मिडियाले मनिषालाई ‘भारतको खाएर चीनको गीत गाएको’ भन्ने आरोप समेत लगाएका छन् । परराष्ट्रीमन्त्री प्रदीप ज्ञवालीले तीन क्षेत्र समेटिएको नक्सा प्रकाशित गर्ने निर्णयउपर लेखेको ट्वीटर मेन्सन गर्दै अभिनेत्री कोइरालाले सोमबार लेखेकी थिइन्, हाम्रो सानो राष्ट्रको गरिमा बनाइरहनु भएकोमा धन्यवाद । तीन राष्ट्रबीच शान्तिपूर्ण र सौहार्दपूर्ण वातावरणमा छलफल होस् भन्ने आशा गर्छौं ।
