काठमाडौं । प्रतिनिधि सभा बैठकले संविधानको दोस्रो संशोधन विधेयक सर्वसम्मतिले पारित गरेको छ। तर यत्रो ऐतिहासिक दिनमा पनि ११ जना सांसद भने उपस्थित भएनन् ? उनलाई असारको १५ त्यस्तो के बित्दो थियो ? जसले उनीहरु यस्तो ऐतिहासिक अवसरबाट बञ्चित भए ? यो ऐतिहासिक अवसर गुमाउनेमा सत्तारुढ नेकपाकै ४, प्रमुख प्रतिपक्षी नेपाली काँग्रेसका ३, राजपा ३ र समाजवादीका २ सांसद रहेका छन् । प्रतिनिधि सभामा २७५ सदस्सीय रहेको छन् । यद्यपि शनिबारको प्रतिनिधि सभा बैठकमा २५८ सांसद उपस्थित थिए। २ सय ७५ सदस्यीय प्रतिनिधिसभामा ४ सांसद निलम्बनमा छन् । जनता समाजवादी पार्टीकी सांसद सरिता गिरीले राखेको संशोधन प्रस्ताव सभामुख अग्निप्रसाद सापकोटाले अस्वीकृत गरेपछि उनी संसदबाट बाहिरिएकी थिइन् । अफ्ताव आलम कर्तब्यज्यानको आरोपमा थुनामा छन् । रेशम चौधरी पनि टीकापुर प्रकरणमा जेलमा छन् । विजय गच्छदार र हरिनारायण रौनियार भ्रष्टाचार मुद्दा लागेर निलम्बनमा छन् । सभामुख अग्निप्रसाद सापकोटाले निर्णायक अवस्थामा मात्र मतदान गर्नपाउने ब्यवस्था छ । २ सय ६९ मत संविधान संशोधनको पक्षमा पर्नुृपर्ने हो । तर ११ सांसदको मत नपरेको देखिन्छ ।सांसदहरु हरिनारायण रौनियार, रेशम चौधरी, मोहम्मत अफ्ताब आलम र बिजय कुमार गच्छदार निलम्बित छन् । यस्तै सांसद सरिता गिरी भने बैठक बहिष्कार गरी बाहिर निस्किएकी थिइन् । उनले राखेको संशोधन प्रस्ताव सभामुखले अस्वीकृत गरिदिएपछि उनी प्रतिनिधि सभाको बैठक बहिष्कार गरेर बाहिरिएकी थिइन्। सरकारले ल्याएको संशोधनको पक्षमा प्रमुख प्रतिपक्षी दल नेपाली कांग्रेस, राजपा नेपाल, समाजवादी पार्टी, राप्रपा, जनमोर्चा र नेमकिपाले मतदान गरेका हुन्। शनिबारको बैठकमा सांसदहरु अमृतादेवी अग्रहरी- राजपा, गोपालबहादुर बम- नेकपा, दुलारी देवी खत्वेनी – राजपा, धनबहादुर बुढा- नेकपा, नागेन्द्रकुमार चौधरी-नेका, प्रमोद शाह – राजपा, शिवकुमार मण्डल- नेकपा, सूर्य नारायण यादव-समाजवादी, सूर्यबहादुर केसी-नेका, हरिबोल गजुरेल- नेकपा, ज्ञान कुमारी छन्त्याल-नेका अनुपस्थित रहेका थिए ।