काठमाडौं । कोरोना संक्रमणका बेला पद र पहुँचका भरमा जताततै दाैडिने र गाडी लिएर हिंड्ने तथा राइदाई गर्नेहरु धेरै छन् । तर तीन महिनापछि स्वदेश फर्किएकी पूर्वयुराज्ञी हिमानी शाह क्वारेन्टाइनमा बसेकी छन् । थाइल्यान्डबाट स्वदेश फर्किएसँगै उनी क्वारेन्टाइनमा बसेकी हुन् । छोरा हृदयन्द्रसहित होटलको क्वारेन्टिनमा उनी बसेकी छन् । उनी आफ्नै घरमा पनि बस्न सक्थिन् । नेपाली सेनाले उनीहरुको क्वारेन्टिन व्यवस्थापन गरेको छ । तीन महिनाअघि पूर्वयुराज्ञी हिमानी शाह अध्ययनरत आफ्ना छोराछोरी भेट्न थाइलैन्ड गएकी थिइन् । अन्तर्राष्ट्रिय विमान बन्द भएसँगै तीन महिना उतै रोकिएकी उनी नेपाल एयरलाइन्सको विमानले थाइल्यान्डमा रहेका नेपालीहरुलाई स्वदेश फर्काउने क्रममा मंगलबार उनी पनि सोही विमानमा स्वादेश फर्किएकी हुन् । हिमानीका दुई छोरी पूर्णिका र कृतिका भने उतै बसेका छन् । उनीहरुको कलेज खुलिसकेकाले नेपाल नआएको बुझिएको छ ।