काठमाडौं । दिनदिनै सयौं कोरोना संक्रमित थपिने क्रममा बिहीबार ४७३ जना कोरोना संक्रमित थपिएका छन्। जसमध्ये १०९ जना महिला र ३६४ जना पुरुष रहेका छन्। योसँगै नेपालमा कोरोना संक्रमितको कुल संख्या १४ हजार ५१९ पुगेको छ। संक्रमितमध्ये काठमाडौंका २८ जना, ललितपुरका २ जना र भक्तपुरका २ जना रहेका छन्। यसैगरी पछिल्लो २४ घण्टामा कोरोना निको भएर डिस्चार्ज हुनेको संख्या ६६४ रहेको छ। नेपालमा हालसम्म कोरोना मुक्त रहेर डिस्चार्ज हुनेको संख्या पाँच हजार ३०३ पुगेको छ।