काठमाण्डौ । अमेरिकी टेक अर्बपति तथा टेस्लाका सह–संस्थापक एलन मस्कले ट्रम्प प्रशासनसँगको आफ्नो समय सकिएको बताएका छन्। उनले आफ्नो सामाजिक प्लेटफर्म एक्स अकाउन्टमा यो बारे जानकारी दिएका हुन् । अमेरिकी राष्ट्रपति डोनाल्ड ट्रम्पले एलन मस्कलाई सरकारी खर्च घटाउने जिम्मेवारी दिएका थिए । जनवरीमा ट्रम्प ह्वाइट हाउस पुगेपछि उनले नयाँ सरकारी विभाग (सरकारी दक्षता विभाग) को नेतृत्व मस्कलाई हस्तान्तरण गरेका थिए। बिहीबार मस्कले ट्वीटरमा लेखेका छन्, ‘विशेष सरकारी कर्मचारीको रूपमा मेरो समय सकिएपछि, म राष्ट्रपति डोनाल्ड ट्रम्पलाई व्यर्थ खर्च कम गर्ने अवसर दिनुभएकोमा धन्यवाद दिन चाहन्छु।’ उनले थपे, ‘डज मिसन समयसँग बलियो हुनेछ र सरकार मा बानी हुनेछ ।’