काठमाडौं । महिला हिंसा, त्यसमा पनि बालिकामाथि हुने यौन हिंसा बढ्दै गउको बेला सात वर्षीया बालिकालाई जबर्जस्ती करणी गर्न खोज्दा बाटो हिँड्नेले देखेर उद्धार गरिएको छ । बुधवार एक सात वर्षीय बालिकालाई जवर्जस्ती करणी गर्न लागेको समयमा बाटोमा हिँड्ने मानिसले देखेर उद्धार गरिएको हो ।
बुधवार दिउँसो सवा ३ बजेतिर कोटेश्वर महादेवस्थानको तल्लो खोलाको सहयोगनगर पुल नजिकैबाट बालिकाको उद्धार गरिएको हो। त्यस्तै जबर्जस्ती करणी गर्न खोज्ने पुरुषलाई समेत प्रहरीले नियन्त्रणमा लिएको छ।
दाङ घोराही नगरपालिका ४ घर भई हाल कोटेश्वरको महादेवस्थान बस्दै आएका ४३ वर्षीय दुर्गे विकलाई नियन्त्रणमा लिएको हो। एक युवकले दिउँसो अफिसको कामले सोही स्थानबाट आउँदै गर्दा देखेपछि यसबारे जानकारी गराएका थिए। प्रहरी नियन्त्रणमा रहेका विकले मदिरा समेत खाएको देखिएको छ।
