काठमाडौं । कोरोनाका कारण मुलुक ठप्प हुँदा खाना पकाउने ग्यासको अभाव देखिएको छ । सामान्य समयमाभन्दा यो बेला ग्यासको माग अत्यधिक भएपछि नेपाल आयल निगमले ग्यास वितरणको दर बढाए पनि अझै अभाव पूर्ति हुन सकेको छैन । खाना पकाउने ग्याँसको अभाव झेलिरहेका उपभोक्ताहरुलाई विभिन्न ग्याँस उद्योगहरुले शुक्रबार पनि देशैभर ग्याँस वितरण गर्दैछन् । नेपाल आयल निगमकाअनुसार काठमाडौं उपत्यकासहित सबै जिल्लाहरुमा वितरण गरिने ग्याँसको विवरण सबै उद्योगले निगममा पठाएका छन् । शुक्रबार काठमाडौं उपत्यकामा मात्रै ओम ग्याँसले २२ वटा डिपोमार्फत २ हजार ४० सिलिण्डर ग्याँस वितरण गर्दैछ । यस्तै नेपाल ग्याँस कम्पनी अन्तर्गतको नारायणीबाट चार हजार एकसय ४१ सिलिण्डर ग्याँस देशभर वितरण हुँदैछ । सोही कम्पनीको नेपाल ग्याँस पनि उपत्यकाका ६३ डिपोमार्फत ६ हजार ४८० सिलिण्डर वितरण हुँदैछ ।
यस्तै उपत्यकासहितका विभिन्न जिल्लाका ६ वटा डिलरमार्फत दुई हजार ५७९ सिलिण्डर एचपी ग्याँस पनि शुक्रबार वितरण हुने निगमले जनाएको छ । साथै उपभोक्ताहरुले एलपी ग्याँस नपाए सम्पर्क गर्न निगमले आग्रह गरेको छ ।
ग्यासबारे बुझ्न हटलाइन ११४६ मा सम्पर्क गर्न सकिने छ भने पैसा नलाग्ने टोलफ्री नं. १६६००११००२८ र अन्य नम्बरहरु ९८५१२७३४७९, ९८५१२७३४३१, ९८५१२७३२६९ मा सम्पर्क गर्न सकिने बताइएको छ ।
शुक्रबार कहाँ कहाँ ग्यास वितरण हुँदैछ ?
(सूचि हेर्न यहाँ क्लिक गर्नुहोला)
