काठमाडौं । चिरायु भण्डारी प्राईम लाईफ इन्स्योरेन्स कम्पनीको महाप्रबन्धकमा नियुक्त भएका छन् । बीमा क्षेत्रका अनुभवी भण्डारीले यही फागुन १ गतेबाट प्राईम लाईफ इन्स्योरेन्स कम्पनीको महाप्रबन्धकमा नियुक्ति भएसँगै कार्य प्रारम्भ गरेका हुन् । प्राईम लाईफको सञ्चालक समितिको बैठकले नेपाल पुनर्बीमा कम्पनीमा चार वर्ष सिईओ चलाएका भण्डारीलाई महाप्रबन्धकमा नियुक्त गर्ने निर्णय गरेको कम्पनीले जनाएको छ।

९ वर्ष राष्ट्रिय बीमा संस्थानमा काम गरेपछि नेशनल लाईफ एण्ड जनरल इन्स्योरेन्स कम्पनीमा गएका भण्डारी सो कम्पनीका संस्थापकसमेत हुन् । २६ वर्ष नेशनल लाइफ इन्स्योरेन्मा काम गरिसकेका भण्डारी त्यसपछि पुर्नबिमाको सिईओ समेत भइसकेका छन् । बीमा क्षेत्रमा करिब चार दशक लामो यात्रा तय गरिसकेका छन् ।