काठमाडौं । दुई पाइलटबीचको विवादले सत्तारुढ दल नेपाल कम्युनिस्ट पार्टी (नेकपा) विभाजनको संघारमा पुगेका बेला आन्तरिक समस्या समाधानका लागि गठित कार्यदलले तयार पारेको प्रतिवेदनले सरकार सञ्चालनको जिम्मेवारी केपी शर्मा ओलीलाई दिएको छ भने पार्टी सञ्चालनको जिम्मेवारी अर्का अध्यक्ष प्रचण्डलाई दिन सुझाव दिएको छ ।
यसैगरी पार्टीभित्र नेताका नाममा रहेका प्रतिष्ठान वा संघ संस्था नै गुटबन्दीको माध्यम बनेको ठहर गरेको छ । गत साउन ३० गते गठित कार्यदले तयार पारेर अध्यक्ष केपी शर्मा ओली र पुष्पकमल दाहाल प्रचण्डलाई बुझाइएको प्रतिवेदनमा भनिएको छ, पार्टीका विभिन्न नेताका नाममा सञ्चालित विभिन्न प्रष्ठिान वा संघ संस्था मध्ये अधिकांश गुटबन्दीको माध्यम बन्दै गएका छन् ।
त्यस्तै प्रतिवेदनले प्रतिष्ठानको सञ्चालन, नियमन र व्यवस्थापन गर्न एक महिनाभित्र निश्चित गर्न प्रतिवेदन दिनेगरी कार्यदेशसहित कार्यदल गठन गर्नुपर्ने ठहर गरेको छ । कार्यदलले अध्यक्षद्धयलाई बुझाएको प्रतिवेदनमा सामुहिक नेतृत्व तथा व्यक्तिगत जिम्मेवारीको संस्थागत प्रणालीलाई अवलम्बन गर्ने र सबल बनाउने तथा अध्यक्ष केपी शर्मा ओलीले प्रतिनिधिसभाको यो कार्यकाल भरी प्रधानमन्त्रीको जिम्मेवारीमा रहेर सरकारलाई नेतृत्व गर्ने र मूलतः सरकारको काममा केन्द्रित हुने उल्लेख गरेको छ भने अर्का अध्यक्ष पुष्पकमल दाहाल ‘प्रचण्ड’ ले कार्यकारी अधिकार सहित मूलतः पार्टीका बैठकहरुको सञ्चालन गर्ने उल्लेख छ ।
कार्यदलकाे पूर्णपाठ यस्ताे छ
