काठमाडौं । नेशनल लाइफ इन्स्योरेन्स कम्पनीको कंलकी शाखाले अभिकर्ता पुनर्ताजगी, उत्प्रेरणा तथा सम्मान कार्यक्रम सम्पन्न गरेको छ । कम्पनीले उक्त कार्यक्रम मार्फत अभिकर्ताहरुलाई कम्पनीको विभिन्न स्किम तथा बीमा पोलिसीको बारेमा जानकारी गराएको थियो भने पाँच वटा स्किममा एजेन्सीहरुलाई सम्मान समेत गरेको कलंकी शाखाका ब्रान्च म्यानेजरले जानकारी दिए । उक्त कार्यक्रममा प्रमुख अतिथीको रुपमा कम्पनीका केन्द्रीय कार्यालयका एजेन्सी विभागका प्रमुख शुसिल प्रताव राणा र विशेष अतिथीको रुपमा केन्द्रीय कम्पनीका एजेन्सी डिपार्टका जेनिस साउथ रहेका थिए ।
कार्यक्रममा प्रमुख अतिथीको रुपमा रहेका कम्पनीका केन्द्रीय कार्यालयका एजेन्सी विभागका प्रमुख शुसिल प्रताव राणाले हेलिकप्टर टुरको बारेमा, एमडिआरटीको बारेमा, एजेन्सी प्याकेजहरुको बारेमा र कम्पनीका विभिन्न पोलिसीहरुको बारेमा अभिकर्ताहरुलाई जानकारी दिएका थिए । सोही कार्यक्रममा सांकृतिक कार्यक्रमको पनि आयोजना भएको थियो । कार्यक्रममा वरिष्ठ कलाकार सागर गुरुङ, भावना आचार्या, सुमिना गुरुङ,दिपक अर्याल, विनोद शर्मा र सुमन श्रेष्ठले बीमा चेतना हुने खालका तथा कम्पनीकै श्लोगनमा बीमा सम्बन्धीका गितहरु मार्फत सन्देश व्यक्त गरेका थिए ।
कार्यक्रममा १०५ जना एजेन्सीहरुको उपस्थिती रहेको थियो । कार्यक्रममा कम्पनीको शाखा कार्यालय कलंकीले यस वर्ष एमडिआरटीका लागि छनोट भएका ४ जना, चियर परशन क्लबबाट उत्कृट भएका ६ जना, साउन १ गतेबाट हालसम्म व्यक्तिगत कोडबाट उत्कृष्ट व्यवसाय गर्ने ३ जना, एजेन्सीहरुको सञ्जालबाट उत्कृट व्यवसाय गरेका ३ जना, र कन्याम वर्कशव क्वालिफायरमा छनोट भएका ४ जना एजेन्सीहरुलाई सम्मान गरेको थियो । त्यसैगरी कम्पनीले सबैभन्दा धेरै नम्बर अफ पोलिसी विक्री गर्ने १ जना एजेन्सीलाई पनि सोही कार्यक्रम मार्फत सम्मान गरेको छ । जसले ४६ वटा बीमा पोलिसी विक्री गरेको कम्पनीले जनाएको छ ।
त्यस्तै, कम्पनीले केही समय अगाडी टिकटक प्रतियोगिता गरेको थियो । उक्त प्रतियोगितामा कम्पनीको गितमा टिकटक बनाउने सबैलाई यसै कार्यक्रममा सम्मान गरेको समेत जनाएको छ । त्यस्तै, कम्पनीको स्किम अनुसार फागुन र चैत महिनामा १० लाख रुपैयाँ बीमा शुल्क आर्जन गर्नेलाई हेलिकप्टर टुरबाट गोसाइकुण्ड जाने गरी कम्पनीले ल्यायो स्किममा अहिलेसम्म यस शाखाबाट योग्य भएका १ जनालाई पनि सम्मान गरेको छ भने अझै चैत महिना बाँकी भएकाले योग्य व्यक्ति छनोट हुन सक्ने शाखाका ब्रान्च म्यानेजरले जानकारी दिए ।