काठमाडौं । मंसिर १ गते, बिहीबार सुन र चाँदी दुबैको मूल्य घटेको छ । सुन प्रतितोला ४०० रुपैयाँ र चाँदी प्रतितोला १० रुपैयाँले घटेको हो । नेपाल सुनचाँदी व्यवसायी महासंघका अनुसार आज छापावाल सुन प्रतितोला ९८ हजार रुपैयाँ कायम रहेको छ । यसैगरी, तेजाबी सुन प्रतितोला ९७ हजार ५०० रुपैयाँमा कारोबार हुँदैछ । बुधबार सुन प्रतितोला ९८ हजार ४०० रुपैयाँमा कारोबार भएको थियो । चाँदीको मूल्य पनि प्रतितोला १० रुपैयाँले घटेर एक हजार २८५ रुपैयाँमा झरेको छ । बुधबार चाँदी प्रतितोला एक हजार २९५ रुपैयाँ किनबेच भएको थियो ।