बारा । एशियन लाइफ इन्सोरेन्स कम्पनीले बीमितको घरमै पुगेर दाबी भुक्तानी गरेको छ । कम्पनीले मृत्यु दावी वापत १२ लाख रुपैयाँ बीमितको घरैमा पुगेर भुक्तानी गरेको हो ।
एशियन लाइफ इन्सोरेन्सको कलैया शाखाले बीमित कलैया–८ स्थित लहेरवा टोल बस्ने ४४ वर्षीय कमल गोसाईको घरमै पुगेर १२ लाख रुपैयाँ ६५ हजार चेक रकम प्रदान गरेको हो । बीमित गोसाईको जिप दुर्घटनामा परी गत फाल्गुण ६ गते निधन भएको थियो । गोसाइले २०७५ चैत्र २९ गते १५ वर्षीय ५ लाखको दम्पती सुरक्षा प्लस बीमा गराएका थिए ।
पहिलो किस्ता बापत गोसाईले ४५ हजार ९ सय २९ रुपैया मात्र बुझाएकोमा उनको निधन भएको थियो । कम्पनीेले बीमाङ्क रकममा बोनस थपेर भुक्तानी गरेको हो । त्यस्तै, गोसाइले २०६९ साउन ९ गते १ लाखको १५ बर्षिय अग्रिम भुक्तानी बीमा योजना गराएका थिए । दम्पती सुरक्षा प्लस बीमा वापत १० लाख २६ हजार पाँच सय र १५ बर्षे अग्रिम भुक्तानी बिमा योजना अन्तरगत २ लाख ३८ हजार सात सय गरी जम्मा १२ लाख ६५ हजार दुई सयको चेक प्रदान गरेको हो ।
दम्पत्ति सुरक्षा बीमा अन्तर्गत गोसाईकी पत्नी मन्जु देवीको जोखिम एशियन लाईफ इन्स्योरेन्सले अझै बहन गर्ने बताउँदै बीमा अवधी समाप्तीमा पुनः पाँच लाख पुन भुक्तान गर्ने प्रबन्धक परियारले प्रष्ट पारेका छन् ।
