झापा । रिलायबल नेपाल लाइफ इन्स्योरेन्सले देशभरिका उत्कृष्ट १०० अभिकर्ताहरूलाई विभिन्न विधामा सम्मान गरेको छ । पोखराको माउन्टेन ग्लोरी फरेस्ट रिसोर्ट एन्ड इस्पामा भदौ २२ सुरु भएको कार्यक्रममा आर्थिक वर्ष २०७९ ÷ २०८० मा एजेन्सीतर्फ साथै व्यक्तिगत अभिकर्ता कोडमा समेत नेपालभरिबाट रिलायबल नेपाल लाइफ इन्स्योरेन्स भद्रपुर शाखाका एमडिआरटी तथा सिनियर एजेन्सी मेनेजर बाबुराम अधिकारी प्रथम स्थान हासिल गर्न सफल भएका छन् । त्यस्तै एजेन्सीतर्फ बिर्तामोड शाखाका एमडिआरटी तथा सिनियर एजेन्सी मेनेजर प्रेमराज गिरी तृतीय भएका छन् । उनीहरूलाई नगदसहित पुरस्कृत गरिएको छ । कम्पनीका कार्यकारी प्रमुख (सिइओ) नारायण बाबु लोहनीले उद्घाटन गरेको कार्यक्रममा कम्पनीका प्रमुख प्रबन्धक शैलेन्द्र श्रेष्ठले स्वागत मन्तव्य राखेका थिए । वरिष्ठ सहायक महाप्रबन्धक दीपेश बाबु तिवारी र वरिष्ठ प्रबन्धक युवराज ज्ञवालीले कम्पनीको भावी योजना र नयाँ बिमा योजनाको बारेमा प्रस्ट पारेका थिए । साथै कम्पनीका वरिष्ठ प्रबन्धक कल्याण राज हलुवाई समेतको उपस्थिति रहेको कार्यक्रममा सातै वटा प्रदेशका प्रमुख र उत्कृष्ट केही शाखाका मेनेजरहरू समेतको उपस्थितिमा रहेको थियो । कार्यक्रममा अन्तर्राष्ट्रिय उत्प्रेरकद्वारा चार घण्टासम्म उत्प्रेरणा जगाउने काम समेत भएको थियो।